الْمَاقِئُ [el-mâḵi΄] (نَاصِرٌ [nâṡir] vezninde) ve
الْمُوقِئُ [el-mûḵi΄] (مُحْسِنٌ [muḩsin] vezninde) مُؤْخِرُ الْعَيْنِ [mu΄ḣiru’l-ʹayn] maʹnâsınadır ki gözün kulak tarafından olan köşesidir ki gözün kuyruğu taʹbîr olunur, ʹalâ-kavlin مُقْدِمُ الْعَيْنِ [muḵdimu’l-ʹayn] maʹnâsınadır ki gözün burun cânibinden olan köşesidir, gözün pınarı taʹbîr olunur. Bu mâddenin mahall-i zikri bu makâm iken Cevherî vehmine mebnî ḵâf bâbında sebt eylemiştir. Ve yine garâ΄ibdendir ki mü΄ellif bu mâddeyi baʹzı ʹilâve ile bâb-ı merkûmda min-gayri tenebbühin resm ve işbâʹ eylemiştir.
Sitemizde detaylı hızlı ve kolay arama ekranı