اَلْمُضَارَبَةُ [el-muḋârebet] (مُفَاعَلَةٌ [mufâʹalet] vezninde) Vuruşmak maʹnâsınadır. Ve bir kimseden ticâret için mâl alıp baʹde’l-iktisâb ribhine şerîk eylemek maʹnâsına istiʹmâl olunur; yukâlu: ضَارَبَ لَهُ إِذَا اتَّجَرَ فِي مَالِهِ وَهِيَ الْقِرَاضُ Ve قِرَاضٌ [ḵirâḋ] ve مُقَارَضَةٌ [muḵâraḋat] مُضَارَبَةٌ [muḋârabet] maʹnâsınadır ki “ق،ر،ض” mâddesinde sûreti meşrûhadır. Ve işbu مُضَارَبَةٌ [muḋârebet] rızk talebi için seyr ü sefer maʹnâsına olan ضَرْبٌ [ḋarb]dan me΄hûzdur. Ve مُضَارَبَةٌ [muḋârebet] bâb-ı mugâlebede istiʹmâl olunur; yukâlu: ضَارَبَهُ فَضَرَبَهُ أَيْ غَلَبَهُ فِي الضَّرْبِ Burada ضَرْبٌ [ḋarb] kelimesi bâb-ı evveldendir, zîrâ efʹâl-i sahîha-i mübâlaga bâb-ı evvele mahsûstur.
اَلْمُضَارَبَةُ [el-muḋârebet] (mîm’in zammı ve râ’nın fethiyle) Vuruşmak; yukâlu: ضَارَبَهُ إِذَا جَالَدَهُ Yaʹnî kılıçla vuruşsalar. Ve bir kimse mâlını bir kimseye verip fâ΄idesinde ortak olmağa dahi derler.
Sitemizde detaylı hızlı ve kolay arama ekranı