اَلْمَنْجَنِيقَاتُ [el-mencenîḵât] (mîm’in ve cîm’in fethi ve nûn-ı sânînin kesri ve meddiyle) Cemʹi. Sîbeveyhi eyitti: Mezbûrun takdîri فَنْعَلِيلٌ [fenʹalîl]dir, mîm nefs-i kelimedendir, cemʹ-i mükesserinde مَجَانِيقُ [mecânîḵ] ve tasgîrinde مُجَيْنِيقٌ [muceynîḵ] dediklerinden ötürü, mîm’in zammı ve cîm’in fethi ve nûn’un kesri ve meddiyle. Ve bir dahi bundan ötürü ki eger mîm zâ΄id olsa kelimenin evvelinde iki harf-i zâ΄id cemʹ olmak lâzım gelirdi, zîrâ nûn zâ΄iddir, hâlâ ki ismin evvelinde ve efʹâl-i mezîde üzere olmayan sıfâtın evvelinde iki harf-i zâ΄id cemʹ olmaz. Ve eger nûn nefs-i kelimeden olsa rubâʹî olur ve rubâʹî olan kelimelerin evveline ziyâde lâhık olmaz, meger ki efʹâl üzerine cârî olan esmâdan ola, مُدَحْرِجٌ [mudaḩric] gibi meselâ.
Sitemizde detaylı hızlı ve kolay arama ekranı