اَلْمِنْحَازُ [el-minḩâz] (مِصْبَاحٌ [miṡbâḩ] vezninde) Havan yaʹnî karanfil ve biber gibi nesneler dövecek havana denir, âlet makâmına kâ΄imdir; ve minhu’l-meselu: ḣدَقِّكَ بِالْمنْحَازِ حَبِّ الْفُلْفُلِḢ Aṡmaʹî فُلْفُلٌ kelimesi kâf’lar iledir, fâ’lar ile musahhaftır dedi ve Ebu’l-Heyšamp;em ʹaksine kâ΄il oldu, zîrâ حَبُّ الْقُلْقُلِ [ḩabbu’l-ḵulḵul] dakk olunur makûleden değil dedi. Ve فُلْفُلٌ [fulful] fâ’lar ile maʹlûmdur ki bibere denir. Ve قُلْقُلٌ [ḵulḵul] ḵâf’lar ile ak biber gibi dahi büyücek ve taʹmı acımtrak güzel kokuluca levni beyâz-şekl olur, حَبُّ الْقُلْقُلِ [ḩabbu’l-ḵulḵul] demekle maʹrûftur. Baʹzılar yaban nârı tohumudur derler. Ve mesel-i mezbûr bahîl ve cimri kimseyi tabîʹatine komayıp kendiden ibrâm ve ilhâhla yâhûd cebr ve izlâlle nesne ahz ve istihsâl olundukta darb olunur.
Sitemizde detaylı hızlı ve kolay arama ekranı