Mü΄ellif وَالْعُوذَةُ تُخْرَزُ عَلَيْهَا جِلْدَةٌ ʹibâretiyle îrâd eylemekle o gûne terceme olundu, lâkin mukaddemce وَيُقَالُ أَجْلَبَ الرَّجُلُ اِذَا جَعَلَهُ الْعُوذَةَ فِي الْجُلْبَةِ ʹibâresi karînesiyle savâb olan, وَالْجِلْدَةُ تُخْرَزُ عَلَى الْعُوذَةِ ʹunvânında olmaktır ki جُلْبَةٌ [culbet] nüsha ve pâzû-bend makûlesine kaplanan deri ve meşin demek olur. İntehâ. Ve
جُلْبَةُ السِّكِّينِ [culbetu’s-sikkîn] Bıçağın zıvanasına denir ki bıçağın sapını demirine kavuşturan nesnedir. Ve şol damızlığa ve mayaya denir ki yoğurt olmak için süte çalınır. Ve
جُلْبَةٌ [culbet] بُقْعَةٌ [buḵʹat] maʹnâsınadır ki etrâfının hey΄etinden hâric arz kıtʹasına denir. Ve
جُلْبَةٌ [culbet] Bir nevʹ otluk adıdır. Bunların mecmûʹunda cemʹleri جُلْبٌ [culb]dür hâ’sız.
Sitemizde detaylı hızlı ve kolay arama ekranı