اَلْجَلْقُ [el-celḵ] (حَلْقٌ [ḩalḵ] vezninde) Baş tırâş eylemek maʹnâsınadır; yukâlu: جَلَقَ رَأْسَهُ جَلْقًا مِنَ الْبَابِ الثَّانِي إِذَا حَلَقَهُ Ve nisvân ʹavret yerini yâhûd sırıtıp gülmekle ön dişlerini açmak maʹnâsınadır; yukâlu: جَلَقَتِ الْمَرْأَةُ عَنْ مَتَاعِهَا وَثَنَايَاهَا إِذَا كَشَفَتْ Ve mancınîk ile taş atmak maʹnâsınadır; yukâlu: جَلَقَهُمْ إِذَا رَمَاهُمْ بِالْمَنْجِنِيقِ Ve
جَلْقٌ [celḵ] Sulh maʹnâsına istiʹmâl olunur; lâkin müvellededir, zâhiren keşf maʹnâsından me΄hûzdur.
جِلِّقٌ [Cilliḵ] (cîm’in ve lâm-ı müşeddedenin kesriyle حِمِّصٌ [ḩimmiṡ] vezninde ve جِلَّقٌ [cillaḵ] vezninde) Dımaşḵ-ı Şâm’ın yâhûd Ġûṯa’sının ismidir. Ve
جِلِّقٌ [cilliḵ] (حِمِّصٌ [ḩimmiṡ] vezninde) Yemen’de bir cins galle ismidir ki buğdaya şebîh olur. Ve Endelus’te bir nâhiye adıdır. Ve erkek deveye mahsûs zecr ve âzâr asvâtındandır.
جِلِّقٌ [Cilliḵ] (cîm’in kesri ve lâm’ın kesri ve teşdîdiyle) Bir mevziʹin ismidir, Şâm-ı şerîfte.
Sitemizde detaylı hızlı ve kolay arama ekranı