اَلزَّافِرَةُ [ez-zâfiret] Bu dahi cemâʹate denir. Ve müretteb ʹaskere denir. Ve binânın muʹtemedün ʹaleyhi olan rükn-i kavîsine ıtlâk olunur. Ve زَافِرَةُ الرَّجُلِ [zâfiretu’r-recul] kişinin ʹaşîret ve tebârına ıtlâk olunur. Bunlar حِمْلٌ [ḩiml] maʹnâsından münşaʹiblerdir. Ve
زَافِرَةٌ [zâfiret] ʹAzîmü’l-heykel erkek deveye denir. Ve زَافِرَةُ السَّهْمِ [zâfiretu’s-sehm] okun yeleğinin altı yancağızına ʹalâ-kavlin temren tarafından olarak sülüsânından aşağısına denir. Ve bir kavmin seyyid ve ser-gerdesine ıtlâk olunur, bâr-ı mesâlihlerine mütehammil olduğu için. Ve yaya ıtlâk olunur, زَفِيرٌ [zefîr]i olduğu için. Cemʹi زَوَافِرُ [zevâfir]dir; yukâlu: بِأَيْدِيهِمُ الزَّوَافِرُ أَيِ الْقِسِيُّ لَهَا زَفِيرٌ Ve زَوَافِرُ الْمَجْدِ [zevâfiru’l-mecd] ʹizz ve iclâl ve devletin medâr-ı takviyeti olan aʹmide ve esbâb ve erkânına ıtlâk olunur; yukâlu: لِمَجْدِهِمْ زَوَافِرُ أَيْ أَعْمِدَةٌ وَأَسْبَابُ تَقْوِيَةٍ
Sitemizde detaylı hızlı ve kolay arama ekranı