صَعْتُ الرُّبَةِ [ṡaʹtu’r-rubet] (râ’nın zammı ve bâ’nın tahfîfiyle) Göğüsün içerisi ki murâd vasatıdır. Yâhûd iki yanlarıyla karnının kavuşacak yeri latîf ve mütenâsib olan kimseye denir, لَطِيفُ الْجُفْرَةِ maʹnâsına. Hâsıl-ı maʹnâ göğüsünün aynası mertabânî-i kamer gibi hoş-nümâ yâhûd her yanı uygun, endâmı latîf ve dil-ârâdır demektir; yukâlu: هُوَ صَعْتُ الرُّبَةِ أَيْ لَطِيفُ الْجُفْرَةِ Burada رُبَةٌ kelimesinin aslı وَرْبٌ idi ki مَا بَيْنَ الضِّلْعَيْنِ maʹnâsınadır; جُفْرَةٌ kelimesine müşâkeleten râ΄ mazmûm oldu, baʹdehu جُفْرَةٌ maʹnâsında istiʹmâl olundu. Ve terkîb-i mezkûrda vâkiʹ صَعْتٌ [ṡaʹt] kelimesi maʹnâ-yı mezkûrdan me΄hûzdur ki letâfet ve iʹtidâli müstelzimdir.
Sitemizde detaylı hızlı ve kolay arama ekranı