اَلصَّعِيدُ [eṡ-ṡaʹîd] (سَعِيدٌ [saʹîd] vezninde) Toprağa denir, ʹalâ-kavlin yerin yüzüne denir vech-i arz maʹnâsına. Cemʹi صُعُدٌ [ṡuʹud] gelir zammeteynle ve صُعُدَاتٌ [ṡuʹudât] gelir ki cemʹü’l-cemʹ olacaktır; yukâlu: قَعَدَ عَلَى الصَّعِيدِ أَيِ التُّرَابِ أَوْ وَجْهِ الْأَرْضِ Ve
صَعِيدٌ [ṡaʹîd] Yola denir, tarîk maʹnâsına; ve minhu: ḣإِيَّاكُمْ وَالْقُعُودَ بِالصُّعُدَاتِḢ Ve bu İmâm ʹAlî el-Murtaḋâ kelâmıdır; murâd, memerrü’n-nâs olan tarîklerde kuʹûddan tahzîrdir. Ve
صَعِيدٌ [ṡaʹîd] Kabr ve mezâra denir. Ve Mıṡır ülkesinde niçe bilâd yaʹnî bir eyâlet ismidir ki tûlen on beş merhale mesâfeyi müştemildir. Ve Vâdi’l-Ḵurâ kurbünde bir mevziʹ adıdır, onda Mescid-i Nebevî vardır, ʹaleyhi’s-selâm.
Sitemizde detaylı hızlı ve kolay arama ekranı