اَلصَّعَافِقَةُ [eṡ-Ṡaʹâfiḵat] (عَمَالِقَةٌ [ʹamâliḵat] vezninde) Benû Mervân huddâm ve tevâbiʹinden bir tâ΄ifeye ıtlâk olunur; Yemâme’de mütemekkin olurlar idive onlara Benû Ṡaʹfûḵ dahi derler, ṡâd’ın zammıyla da zebân-zededir. Ve bu صَعْفُوقُ [Ṡaʹfûḵ] kelimesi ism-i aʹcemî olmakla gayr-i munsarıftır, Yemâme’de Ṡaʹfûḵ nâm karyede sâkin olmalarıyla mahallin ismiyle tesmiye olundular. Ve
صَعَافِقَةٌ [ṡaʹâfiḵat] Şol kimselere denir ki sermâyesiz pazara varıp tâcirler bir nesne aldıklarında aralarında bilece sokulup bir takrîble hisseye dâhil olurlar ola; yukâlu: هُوَ مِنَ الصَّعَافِقَةِ وَهُمُ الَّذِينَ يَشْهَدُونَ السُّوقَ لِلتِّجَارَةِ بِلاَ رَأْسِ مَالٍ فَإِذَا اشْتَرَى التَّاجِرُ شَيْئًا دَخَلُوا مَعَهُمْ [Ve] صَعْفَقِيٌّ [ṡaʹfaḵiyy] ki جَعْفَرِيٌّ [caʹferiyy] veznindedir ve صَعْفَقٌ [ṡaʹfaḵ] ki جَعْفَرٌ [caʹfer] veznindedir ve صَعْفُوقٌ [ṡaʹfûḵ] ki zikr olundu, müfredleridir. Ve cemʹleri صَعَافِقَةٌ [ṡaʹâfiḵat] gibi صَعَافِيقُ [ṡaʹâfîḵ] dahi gelir.
Sitemizde detaylı hızlı ve kolay arama ekranı