اَلطَّرِيدَةُ [eṯ-ṯarîdet] (فَرِيدَةٌ [ferîdet] vezninde) Ardından kovulup sürülerek ahz ve şikâr olunmasına saʹy ve ikdâm olunan sayd ve firârî makûlesine denir. Ve harâmîlerin sirkat edip sürüp ilettikleri deve sürüsüne ıtlâk olunur. Ve iğcilerin ve okçuların kovuş ağacı taʹbîr ettikleri âlete denir ki mâddesi bir kamıştır, bir keskin nesnesi olmakla onunla iğleri ve okları yonup perdâht ederler. Ve ensizce uzun uzadı çayırlığa denir. Ve harîrden uzunluğuna bölünmüş şukkaya ıtlâk olunur. Ve etfâl-i ʹAraba mahsûs bir oyun adıdır, ʹâmme ona مَسَّةٌ [messet] ve ضَبْطَةٌ [ḋabṯat] derler. Oynayan uşağın eli âherin başına yâ omuzuna değerse مَسَّةٌ [messet] olur ve eğer ayağına dokunursa أَسْنٌ [esn] olur. Ve
طَرِيدَةٌ [ṯarîdet] Islatıp ocak ve fırın sildikleri paçavraya denir.
Sitemizde detaylı hızlı ve kolay arama ekranı