عَبْشَمِيٌّ [ʹAbşemiyy] (ʹayn’ın fethi ve bâ’nın sükûnuyla ve şîn’in fethi ve yâ’nın teşdîdiyle) عَبْدُ شَمْسٍ [ʹAbduşems]e mensûb olan, zîrâ ism-i muzâfa nisbette üç lügat vardır: Dilersen cüz-i evvele nisbet kılarsın meselâ عَبْدُ الْقَيْسِ [ʹAbdulḵays]a nisbet murâd edinsen عَبْدِيٌّ [ʹAbdiyy] dersin ve eger dilersen cüz-i sâniye nisbet edersin iltibâstan hazer edüben meselâ مُطَّلِبِيٌّ [Muṯṯalibiyy] dersin عَبْدُ الْمُطَّلِبِ [ʹAbdulmuṯṯalib]e nisbet murâd edinsen ve eger dilersen kelime-i ûlâdan iki harfe kelime-i sâniyeden iki harf alıp bir rubâʹî kelime terkîb edip ona nisbet edersin meselâ عَبْدَرِيٌّ [ʹAbderiyy] dersin kaçan عَبْدُ الدَّارِ [ʹAbduddâr]a nisbet murâd edinsen ve عَبْشَمِيٌّ [ʹAbşemiyy] dersin عَبْدُ شَمْسٍ [ʹAbduşems]e nisbet kasd etsen, nitekim mürûr etti.
Sitemizde detaylı hızlı ve kolay arama ekranı