اَلْعَذْرَاءُ [el-ʹažrâ΄] (حَمْرَاءُ [ḩamrâ΄] vezninde) Bikr kıza denir. Cemʹi عَذَارَى [ʹažârâ] gelir, ʹayn’ın ve râ’nın fethiyle ve عَذَارِي [ʹažârî] râ’nın kesriyle ve عَذْرَاوَاتٌ [ʹažrâvât] gelir. Ve
عَذْرَاءُ [ʹažrâ΄] Demirden bir gûne âlete denir ki onunla uğru makûlesi mücrimleri ikrâr ve ihbâr için işkence ederler, burgu taʹbîr ettikleridir. Ve şol kumluğa vasf olur ki ona aslâ ayak basıp çiğnenmemiş ola; yukâlu: رَمْلَةٌ عَذْرَاءُ إِذَا صَارَتْ لَمْ تُوطَأْ Ve delinmedik inciye vasf olur; yukâlu: دُرَّةٌ عَذْرَاءُ أَيْ غَيْرُ مَثْقُوبَةٍ Ve Sünbüle burcuna, ʹalâ-kavlin Cevzâ΄] burcuna ıtlâk olunur, kız sûreti olduğu için. Ve
عَذْرَاءُ [ʹAžrâ΄] Medîne-i munevvere’nin ismidir. Ve Dimaşḵ-ı Şâm’a bir berîd mesâfede bir mevziʹ adıdır ki onda Muʹâviye b. Cuḩr katl olundu. ʹAlâ-kavlin Şâm’da bir maʹrûf karyedir.
Sitemizde detaylı hızlı ve kolay arama ekranı