قَطَامِ [Ḵaṯâmi] (ḵâf’ın fethi ve mîm’in kesr üzere binâsıyla) Bir hatun ismidir. Ehl-i Necd bunu gayr-i munsarıf mecrâsına icrâ ederler. Şârih der ki ehl-i Ḩicâz mutlakan فَعَالِ [faʹâli] vezninde olan ismi kesr üzere mebnî ederler, فَاعِلَةٌ [fâʹilet]ten maʹdûl olduğu için ve harf-i taʹrîf idhâl eylemezler ve cemʹ kılmazlar, ammâ ehl-i Necd gayr-i munsarıf mecrâsına icrâ ederler, عُمَرُ [ʹumer] kelimesi gibi; yekûlûne: هَذاَ قَطَامٌ بِالرَّفْعُ Ve bu zikr olunan ihtilâf âhirinde harf-i râ΄ olmadığı sûrettedir, قَطَامِ [ḵaṯâmi] ve رَقَاشِ [raḵâşi] gibi ve eger حَضَارِ [ḩaḋâri] ve جَعَارِ [caʹâri] ve سَفَارِ [sefâri] gibi âhirinde râ΄ olursa ehl-i Necd, ehl-i Ḩicâz ile müttefiklerdir.
قَطَامِ [Ḵaṯâmi] (ḵâf’ın fethi ve mîm’in kesr üzere binâsıyla) Ehl-i Ḩicâz katında bir ʹavretin ismidir. Ve ammâ ehl-i Necd onu lâ-yansarıf mecrâsına icrâ ederler, nitekim bâb-ı şîn’de رَقَاشِ [reḵâşi] tefsîrinde zikr olunmuştur.
Sitemizde detaylı hızlı ve kolay arama ekranı