كَلِمَةُ اللهِ [kelimetullâh] ʹÎsâ ʹalâ-nebiyyinâ ve ʹaleyhi’s-selâmdır, kendileriyle ve kelâmlarıyla intifâʹ olunduğu hasebiyle ıtlâk olundu yâhûd hilkat ve fıtratı bilâ-eb hemân كُنْ emr-i şerîfiyle vücûd bulduğuna mebnîdir. Mütercim der ki yâhûd kelâm-ı ilâhî ile ihtidâ olunduğu gibi kendisiyle ihtidâ olunduğuna mebnîdir. Mü΄ellifin zikr eylediği vech-i sânîye Hazret-i Âdem ile vech-i eblag üzere iʹtirâz olunur. Bu bâbda kütüb-i sûfiyyede vücûh-ı mukniʹa mersûm olmakla fe’lyurâcaʹ.
كَلِمَةُ اللهِ [kelimetullâh] (kâf’ın fethi ve lâm’ın kesriyle) Hazret-i ʹÎsâ’ya ıtlâk olunur, salavâtullâhi ʹaleyhi. Ve كَلِمَةُ اللهِ [kelimetullâhi] ıtlâk olunduğu dîne nâfiʹ olduğu içindir, kelâm-ı Hakk’la nefʹ hâsıl olduğu gibi,nitekim سَيْفُ اللهِ [seyfullâhi] ve أَسَدُ اللهِ [esedullâhi] derler. Ve baʹzılar eyitti: كَلِمَةُ اللهِ [kelimetullâhi] dedikleri bilâ-eb olup mücerred kelâm-ı Ḣudâ ile hâsıl olduğuna binâ΄endir.
Sitemizde detaylı hızlı ve kolay arama ekranı