Şârih der ki لَيْلَاةٌ [leylât] لَيْلَةٌ [leylet]in aslıdır, zîrâ musaggarı لُيَيْلِيَةٌ [luyeyliyet]tir. Ve لَيْلَةٌ [leylet] لَيْلٌ [leyl]in müfredidir, تَمْرَةٌ [temret] ve تَمْرٌ [temr] gibi. Ve Merzûḵî dedi ki لَيْلٌ [leyl] izâ-i نَهَارٌ [nehâr]da ve لَيْلَةٌ [leylet] izâ-i يَوْمٌ [yevm]de istiʹmâl olunur. İntehâ. Ve
لَيْلٌ [leyl] Toy kuşuna denir, حُبَارَى [ḩubârâ] gibi, ʹalâ-kavlin yavrusuna denir. Ve كَرَوَانٌ [kerevân] kuşunun ki çağırgan toy dedikleridir, yavrusuna da denir. Ve ʹArfece b. Selâme el-Kindî nâm kimsenin kılıcı ismidir. Ve tekûlu’l-ʹArab: أَلْبَسَ لَيْلٌ لَيْلًا أَيْ رَكِبَ بَعْضُهُ بَعْضًا Yaʹnî “Bir nesnenin eczâsı birbirinin üstüne bingeşti.
Sitemizde detaylı hızlı ve kolay arama ekranı