اَلْمِشْوَارُ [el-mişvâr] (مِحْرَابٌ [miḩrâb] vezninde) Kovandan gömeci kesip balını sağacak âlete denir ki eğiş taʹbîr olunur. Ve bir adamın haber verecek sıfatına ıtlâk olunur, مَخْبَرٌ [maḣber] maʹnâsına; yukâlu: فُلاَنٌ حَسَنُ الْمِشْوَارِ أَيِ الْمَخْبَرِ Ve çehre ve manzara maʹnâsına müstaʹmeldir; yukâlu: لَيْسَ لِفُلاَنٍ مِشْوَارٌ أَيْ مَنْظَرٌ ve yukâlu: أَخَذَتِ الدَّابَّةُ مِشْوَارَهَا إِذَا سَمِنَتْ وَحَسُنَتْ هَيْئَتُهَا Ve
مِشْوَارٌ [mişvâr] Niş-hâr-ı Fârisî muʹarrebi olur ki deve ve koyun ve keçi makûlesinin miʹdede ibkâ eyleyip aralık aralık çıkarıp çiğnedikleri ʹalef bakiyyesine denir, Türkîde geviş taʹbîr olunur. Ve beyʹ için devâbb ʹarz olunacak mekâna denir ki at pazarı taʹbîr olunur. Ve minhu’l-meselu: “إِيَّاكَ وَالْخُطَبَ فَإِنَّهَا مِشْوَارٌ كَثِيرُ الْعِثَارِ” Mesel-i mezbûr iksâr-ı kelâmdan tahzîr maʹrizinde darb olunur. Ve
مِشْوَارٌ [mişvâr] Hallâc yayının kirişine denir.
Sitemizde detaylı hızlı ve kolay arama ekranı