اَلْمِطْمَارُ [el-miṯmâr] (مِحْرَابٌ [miḩrâb] vezninde) ve
اَلْمِطْمَرُ [el-miṯmer] (مِنْبَرٌ [minber] vezninde) Bennâ΄ ve miʹmârların binâ takdîr eyledikleri ipe denir ki çırpı ipi taʹbîr olunur; yukâlu: قَدَّرَ الْبَنَّاءُ الْبِنَاءَ بِالْمِطْمَارِ وَالْمِطْمَرِ أَيْ الْخَيْطِ الَّذِي يُقَدِّرُهُ بِهِ Bu maʹnâdandır ki ʹArablar “Filân halkan ve hulukan pederine mümâsildir” diyecek yerde هُوَ عَلَى مِطْمَارِ أَبِيهِ derler, يُشْبِهُهُ خَلْقًا وَخُلُقًا maʹnâsına ki “pederinin çırpısında” demektir. Ve bir hadîs râvîsine “Rivâyet eylediğin hadîsi takvîm ve tenkîh ve elfâz ve ʹibârâtını vech-i istikâmet üzere tashîh kıl” diyecek yerde أَقِمِ الْمِطْمَرَ يَا مُحَدِّثُ derler, قَوِّمِ الْحَدِيثَ وَصَحِّحْ أَلْفَاظَهُ maʹnâsına. Ve
مِطْمَارٌ [miṯmâr] Dâ΄imâ köhne esvâb giyer olan adama denir; yukâlu: رَجُلٌ مِطْمَارٌ إِذَا كَانَ لاَبِسَ الْأَطْمَارِ
Sitemizde detaylı hızlı ve kolay arama ekranı