اَلنَّجُودُ [en-necûd] (صَبُورٌ [ṡabûr] vezninde) Boynu uzun olan nâkaya ve dişi eşeğe denir, ʹalâ-kavlin gebe olmaz olanlarına denir; yukâlu: نَاقَةٌ نَجُودٌ وَأَتَانٌ نَجُودٌ أَيْ طَوِيلَةُ الْعُنُقِ أَوْ لاَ تَحْمِلُ Ve işlek ve revende nâkaya denir ki yolda sâ΄irleri sebk ve takaddüm eder ola; yukâlu: نَاقَةٌ نَجُودٌ أَيْ مَاضِيَةٌ مُتَقَدِّمَةٌ Ve sütü pek çok olan nâkaya denir; yukâlu: نَاقَةٌ نَجُودُ أَيْ مِغْزَارٌ Ve dâ΄imâ yüksek yerlere çöküp oturur olan nâkaya denir; yukâlu: نَاقَةٌ نَجُودٌ إِذَا كَانَتْ تَبْرُكُ عَلَى الْمَكَانِ الْمُرْتَفِعِ Ve şol nâkaya denir ki gûyâ sâ΄ir nâkalar ile muʹâraza eder gibi onlar sütü çok verince bu dahi çok verir ola; yukâlu: نَاقَةٌ نَجُودٌ كَأَنَّهَا تُنَاجِدُ الْإِبِلَ فَتَغْزُرُ إِذَا غَزُرْنَ Ve nebâlet ve meziyet ehli olan ʹâkile ve lebîbe hatuna denir. Cemʹi نَجْدٌ [nucud] gelir, كُتُبٌ [kutub] vezninde. Ve
نَجُودٌ [Necûd] Esâmîdendir: ʹÂṡım b. Ebi’n-Necûd b. Behdele kurrâdandır ve Behdele mûmâileyhin vâlidesi ismidir.
Sitemizde detaylı hızlı ve kolay arama ekranı