هَابِيلُ [Hâbîl] İbn Âdem ʹaleyhi’s-selâmdır ki birâder-i Ḵâbîl’dir. Şârih der ki Ḵâbîl, Hâbîl’i Şâm’da Cebel-i Ḵâsiyûn’da bir magâra içre katl eyledi, hâlen mevziʹ-i demi maʹrûftur, zîrâ Hazret-i Âdem hacca gidip Ḵâbîl ekber-i evlâdı olmakla hânumânına vasî nasb eyledi, o hılâlde birâderi Hâbîl’i katl edip Hazret-i Âdem baʹde’l-ʹavd su΄âl eyledikte bilmem diye cevâb eyledi. Hazret-i Âdem keyfiyyeti idrâk eylemeleriyle: “أَللَّهُمَّ أَلْعِنْ أَرْضًا شَرِبَتْ دَمَهُ” ʹunvânıyla duʹâ eylemeğin demini arz ibtilâʹ eylemeyip hâlen eseri bâkîdir.
Sitemizde detaylı hızlı ve kolay arama ekranı