إِلْيَاسُ [İlyâs] (hemzenin kesri ve fethiyle) ʹAlem-i aʹcemîdir. Mü΄ellifin Baṡâ΄ir’de beyânına göre bir peygamber-i güzîn ismidir ki Benî İsrâ΄îl peygamberlerindendir. Ve o İlyâs b. Yâsîn b. Feyḩâṡ b. ʹAyrâr b. Hârûn b. ʹİmrân’dır. Baʹlebek ahâlîsine mebʹûs idi. Eziyyet ve nakz-ı ʹuhûdlarından müteneffir olmakla Hazret-i Hakk’a niyâz edip müfârakatlarına me΄zûn ve şehvet-i ekl ü şürb kendiden meslûb olmağın tabʹ-ı melâ΄ike ile müntabiʹ olup Ḣıḋr ʹaleyhi’s-selâm gibi insî ve melekî ve arzî ve semâvî ve şarkî ve garbî ve berrî ve bahrî oldular.
إِلْيَاسُ [İlyâs] Esmâ-i ricâldendir, lafz-ı aʹcemîdir, ʹArab dahi bununla tesmiye kılmıştır ki o İlyâs b. Muḋar b. Nizâr b. Meʹad b. ʹAdnân’dır.
Sitemizde detaylı hızlı ve kolay arama ekranı