أُولُو الْعَزْمِ [ulu’l-ʹazm] Rüsül-i kirâmdan şol peygamber-i ʹâlî-şânlardır ki Hazret-i Hak celle ve ʹalânın kendilerden ahz-i ʹahd ü mîsâk eylediği evâmir-i ʹaliyye-i rabbâniyyenin temşît ve icrâsı bâbında ʹazm ve cidd ve ihtimâm eylediler. Baʹzılar dedi ki أُولُو الْعَزْمِ [ulu’l-ʹazm] Nûḩ ve İbrâhîm ve Mûsâ ve Muḩammed ʹaleyhimu’s-salâtu ve’s-selâmdır. Ve Zemaḣşerî dedi ki أُولُو الْعَزْمِ [ulu’l-ʹazm] cidd ve sebât sâhibi olan peygamber-i zî-şânlardan ʹibârettir ki ahkâm-ı ilâhiyyeyi teblîgde cidd ve ikdâm edip kavminin renc ve eziyyetlerine sabr ve sebât ve tahammül eylediler. Pes Zemaḣşerî’ye göre de maʹdûd ve muʹayyen olmaz. Ve ʹinde’l-baʹz Nûḩ ve İbrâhîm ve İsḩâḵ ve Yaʹḵûb ve Yûsuf ve Eyyûb ve Dâvûd ve ʹÎsâ ʹaleyhimü’s-selâmdır. Şârih der ki ve ʹinde’l-baʹz Âdem ve İbrâhîm ve Mûsâ ve Dâvûd ve Suleymân ve ʹÎsâ ve Muḩammed ʹaleyhimu’s-salâtu ve’s-selâmdır.
Sitemizde detaylı hızlı ve kolay arama ekranı