Kamus-ı Muhit - رحى بطان maddesi

اَلرَّحَى [er-reḩâ] (عَصَا [ʹaṡâ] vezninde) Değirmene denir, vâviyye ve yâ΄iyyedir; cemʹleri ve tesniyeleri ânifen zikr olundu. Ve

رَحَى الْحَرْبِ [reḩa’l-ḩarb] Muʹzam ve müzdehim olan cengâha ıtlâk olunur, niteki مَرْحَى الْحَرْبِ [merḩa’l-ḩarb] dahi ıtlâk olunur, zîrâ deverân-ı harb orada olur. Ve evvelki mübâlagaya mahmûldür. Ve

رَحَى [reḩâ] Göğüse ıtlâk olunur. Ve devenin göğsünde olan değirmi mühreye ıtlâk olunur. Ve şol etrâfından yüksek sedd ve seki tarzında arza denir ki bir mîl mikdârı dâ΄iresi olup ve değirmi ve müdevver ola; yukâlu: نَزَلُوا فِي رَحًى مِنَ الْأَرْضِ وَهِيَ قِطْعَةٌ مِنَ النَّجَفَةِ مُشْرِفَةٌ تَعْظُمُ نَحْوَ مِيلٍ Ve رَحَى الْقَوْمِ [reḩa’l-ḵavm] bir kavm ve cemâʹatin medâr-ı umûru olan seyyid ve aʹyânlarına ıtlâk olunur. Ve bir adamın cemâʹat ve ʹayâl ve müteʹallakâtına ıtlâk olunur. Ve azı dişe ıtlâk olunur; yukâlu: طَحَنَهُ بِأَرْحَائِهِ أَيْ بِأَضْرَاسِهِ Ve sâ΄irden müstagnî ve müstakil olan kabîleye ıtlâk olunur; yukâlu: هَؤُلَاءِ رَحًى أَيْ قَبِيلَةٌ مُسْتَقِلَّةٌ Ve ısfanâh dedikleri sebzeye denir. Ve deve ve fîl kısmının tabanlarına ıtlâk olunur. Ve izdihâmlı deve sürüsüne denir; cemʹleri أَرْحَاءٌ [erḩâ΄] gelir. Ve bir feresin ismidir. Ve Yemâme ile Baṡra beyninde bir dağın adıdır. Ve Sicistân’da bir mevziʹ adıdır; fuhûldan Muḩammed b. Aḩmed b. İbrâhîm oradandır. Ve

رَحَى بِطَانٍ [Reḩâ Biṯân] (bâ’nın kesriyle) Bâdiyede bir arzın adıdır.