رِجَامٌ [Ricâm] (كِتَابٌ [kitâb] vezninde) Bir mevziʹdir. Ve مِرْجَاسٌ [mircâs] maʹnâsınadır.Ve o şol taşa denir ki bir ipe bağlayıp kuyuya sarkıtırlar ve onunla kuyu içre olan suyu çalkayarak bulandırırlar, tâ ki o bulanık su çekilip kuyu pâk ola ve gâh olur ki kova ağacının ucuna bend ederler tâ ki kova ağırlaşıp tîz nüzûl eyleye. Pes bu taşa da رِجَامٌ [ricâm] denir. Ve kuyu ağzına yapılan binâya denir ki üzerine bir arkuru ağaç vazʹ edip kovayı ona taʹlîk ederler, çark menzilinde olur. Ve
رِجَامَانِ [ricâmân] (tesniye bünyesiyle) Kuyu ağzında iki taraflı dikilmiş ağaçlara denir ki çarkın iki uçları onlara vazʹ olunur.
اَلرِّجَامُ [er-ricâm] (râ’nın kesriyle) Kezâlik cemʹi, zikr olunan taşlar maʹnâsına. Ve kâle ʹAbdullâh b. Muġaffel fî vasiyyetihi: “لَا تُرَجِّمُوا قَبْرِي” yaʹnî kabrim üzere recm kılman yaʹnî kabrimin üzerin müsennem kılman, düz kılın tâ ki belirsiz olsun, nitekim Ḋaḩḩâk vasiyyetinde “اُرْمُسُوا قَبْرِي رَمْسًا” demiştir. Ve رَمْسٌ [rems] meyyiti defn edip kabrin belirsiz etmeğe derler. Ve muhaddisûn bu hadîs-i şerîfte “لَا تَرْجُمُوا قَبْرِي” rivâyet kılarlar tâ’nın fethi ve cîm’in tahfîfiyle, lâkin sahîh budur ki cîm müşedded ola. Ve
رِجَامٌ [ricâm] Kezâlik şol taştır ki kovanın ağacına bağlarlar, tîz dolsun diye.
Sitemizde detaylı hızlı ve kolay arama ekranı