اَلرَّبَلُ [er-rebel] (fethateynle) Bir cins nebât adıdır ki rengi pek koyu yeşil olur, Mıṡır diyârından Bulbeys türâbında kesîrdir, ondan iki dirhem mikdârı engerek lesʹinin tiryâkıdır, Türkîde yaban pelini dedikleridir ki efsentîn-i berrî ıtlâk olunur.
اَلرَّبْلُ [er-rebl] (حَبْلٌ [ḩabl] vezninde) Nâs çoğalmak, ʹalâ-kavlin bir adamın emvâl ve evlâdı firâvân olmak maʹnâsınadır; yukâlu: رَبَلَ الْقَوْمُ رَبْلًا مِنَ الْبَابِ الْأَوَّلِ وَالثَّانِي إِذَا كَثُرُوا أَوْ كُثَرَ أَمْوَالُهُمْ وَأَوْلَادُهُمْ Ve
رَبْلٌ [rebl] Şol cins nebât ve şecere denir ki evâhir-i sayfta hazân olduktan sonra yağmursuz geceler serinliğiyle yeniden yaprak açar ola; cemʹi رُبُولٌ [rubûl]dur ve yukâlu: رَبْلٌ أَرْبَلُ مُبَالَغَةٌ
اَلرَّبِلُ [er-rebil] (râ’nın fethi ve bâ’nın kesriyle) Ziyâde etli olan kimse, yukâlu: رَجُلٌ رَبِلٌ أَيْ كَثِيرُ اللَّحْمِ
اَلرَّبْلُ [er-rebl] (râ’nın fethi ve bâ’nın sükûnuyla) Şol ağaçlardır ki soğuk vurduktan sonra havâ mülâyim olup yaz günü güz eyyâmına dönmekle yeşerip yapraklana.
Sitemizde detaylı hızlı ve kolay arama ekranı