اَلرَّيَاشُ [er-reyâş] (سَحَابٌ [seḩâb] vezninde) Kulaklarının ve yüzlerinin tüyleri çok olan nâkaya denir.
اَلرِّيَاشُ [er-riyâş] (كِتَابٌ [kitâb] vezninde) Bu dahi libâs-ı fâhire ıtlâk olunur, لِبْسٌ [libs] ve لِبَاسٌ [libâs] bir maʹnâya olduğu gibi; yukâlu: لَهُ رِيَاشٌ أَيْ لِبَاسٌ فَاخِرٌ Gûyâ ki kuş tüyü gibi nâzüktür.
اَلرِّيَاشُ [er-riyâş] (râ’nın kesriyle) Kezâlik libâs-ı fâhire maʹnâsınadır, pes رِيشٌ [rîş]le رِيَاشٌ [riyâş], حِرْمٌ [ḩirm]le حِرَامٌ [ḩirâm] ve لِبْسٌ [libs]le لِبَاسٌ [libâs] gibi olur. Ve ﴿وَرِيشًا وَلِبَاسُ التَّقْوٰى﴾ (الأعراف 26) dahi kırâ΄at olunmuştur. Baʹzılar eyitti: رِيشٌ ve رِيَاشٌ [riyâş] mâldır ve hüsn-i maʹâştır. Ve رِيشٌ [rîş] gâh olur mahall-i ihsânda zikr olunup أَعْطَاهُ مِائَةً بِرِيشِهَا derler, Ebû ʹUbeyde eyitti: Bunun aslı budur ki mülûk-ı mâziye bir kimseye bir nesne hibe etseler, meselâ birkaç deve hibe etseler, hörgücüne devekuşu yeleği sokarlardı tâ ki hibe-i melik olduğu maʹlûm ola. Ve Aṡmaʹî eyitti: بِرِيشِهَا demek بِرِحَالِهَا وَكِسْوَتِهَا demektir.
Sitemizde detaylı hızlı ve kolay arama ekranı