Kamus-ı Muhit - الزلمة maddesi

اَلزَّلَمَةُ [ez-zelemet] (fetehâtla) Baʹzı keçi kısmının kulağında olan halkî etten askı küpeye denir ki iki dâne olursa زَلَمَتَانِ [zelemetân] denir, زَنَمَةٌ [zenemet] dahi denir.

اَلزَّلْمَةُ [ez-zelmet] (zây’ın fethi ve zâmmı ve lâm’ın sükûnuyla ve fetehâtla) ve

اَلزُّلَمَةُ [ez-zulemet] (هُمَزَةٌ [humezet] vezninde) Katʹ maʹnâsına olan زَلْمٌ [zelm] lafzından me΄hûzlardır, bunlar Türkîde kesim ve biçim ile taʹbîr olunurve hemîşe ʹabd ile câriyede istiʹmâl olunur; yukâlu: هُوَ الْعَبْدُ زَلْمَةً وَزُلْمَةً وَزُلَمَةً أَيْ قَدُّهُ قَدُّ الْعَبْدِ أَوْ حَذْوُهُ حَذْوُ الْعَبْدِ أَوْ يُشْبِهُهُ كَأَنَّهُ هَوَ وَكَذَلِكَ الْأَمَةُ Yaʹnî şu adam köle kesiminde ve çırpısındadır yâhûd köle kılığındadır yâhûd bir gûne köleye şebîhtir ki gûyâ ki köledir.Ve زَلْمَةً [zelmet] kelimesi temyîziyyetle mansubdur.

Vankulu Lugatı - الزلمة maddesi

اَلزُّلْمَةُ [ez-zulmet] (zâ’nın zammı ve fethi ve lâm’ın sükûnuyla) Bir nesnenin kadd ve kâmeti ve hey΄eti.

اَلزَّلَمَةُ [ez-zelemet] (fethateynle) Şol nesnedir ki keçinin boynunda küpe gibi asılmış olur ve iki olursa زَلَمَتَانِ [zelemetân] derler ve eğer kulağında asılı olursa زَنَمَةٌ [zenemet] derler, nûn’la.

اَلزُّلَمَةُ [ez-zulemet] (zâ’nın zammı ve fethi ve lâm’ın dahi fethi ile) Bi-maʹnâhâ; yukâlu: هُوَ الْعَبْدُ زُلْمَةٌ وَزُلَمَةٌ أَيْ قَدُّهُ قَدُّ الْعَبِيدِ Ve Kisâ΄î eyitti: حَقًّا maʹnâsınadır. Ve Liḩyânî eyitti: زُلْمَة [zulmet] hemîn nekire istiʹmâl olunur. Ve ʹabdde istiʹmâl olunduğu gibi câriyede dahi istiʹmâl olunur; yukâlu: هُوَ الْعَبْدُ زُلْمًا يَا فَتَى أَيْ قَدًّا أَوْ حَذْوًا Ve حَذْوٌ [ḩažv] hey΄et maʹnâsınadır.