اَلْعَسِبُ [el-ʹasib] (كَتِفٌ [ketif] vezninde) Yuyup taramak müddeti uzamış olan başa denir; yukâlu: رَأْسٌ عَسِبٌ أَيْ بَعِيدُ الْعَهْدِ بِالتَّرْجِيلِ
اَلْعَسْبُ [el-ʹasb] (كَسْبٌ [kesb] vezninde) Erkek hayvân dişiye aşmak, ضِرَابٌ [ḋirâb] maʹnâsınadır; ʹalâ-kavlin erkek hayvânın nutfesine denir yâhûd nesline denir ki döl taʹbîr olunur; yukâlu: أَعْيَا الْفَحْلُ مِنَ الْعَسْبِ أَيِ الضِّرَابِ أَوْ هُوَ مَاؤُهُ أَوْ نَسْلُهُ ve yukâlu: عَسَبَ الْفَحْلُ النَّاقَةَ عَسْبًا مِنَ الْبَابِ الثَّانِي إِذَا ضَرَبَهَا Ve veled maʹnâsınadır. Ve ضِرَابٌ [ḋirâb] eden erkek için dişi sâhibi kirâ ve ücret vermek maʹnâsınadır ki tohumluk için tahsîs olunan aygırı ücretle çekerler; yukâlu: عَسَبَ الرَّجُلُ عَسْبًا مِنَ الْبَابِ الثَّانِي إِذَا أَعْطَى الْكِرَاءَ عَلَى الضِّرَابِ Şârih der ki aygırı kirâya vermek maʹnâsına gelir; yukâlu: عَسَبَ فَحْلَهُ إِذَا أَكْرَاهُ
اَلْعَسْبُ [el-ʹasb] (ʹayn’ın fethi ve sîn’in sükûnuyla) Erkeği mücâmaʹat için kirâya vermek; yukâlu: عَسَبَ فَحْلَهُ يَعْسِبُهُ مِنَ الْبَابِ الثَّانِي أَيْ أَكْرَأَهُ Ve
عَسْبُ الْفَحْلِ [ʹasbu’l-faḩl] Erkek dişiyle cemʹ olmasına dahi derler. Baʹzılar eyitti: عَسْبٌ [ʹasb] Erkek suyuna derler, مَاءُ الْفَحْلِ maʹnâsına.
Sitemizde detaylı hızlı ve kolay arama ekranı