اَلْعَسْرَى [el-ʹasrâ] (سَكْرَى [sekrâ] vezninde ve بُشْرَى [buşrâ] vezninde zebân-zeddir) Bir nevʹ me΄kûl nebât adıdır.
اَلْعُسْرَةُ [el-ʹusret] (ʹayn’ın zammıyla) ve
اَلْمَعْسَرَةُ [el-maʹseret] (mîm’in ve sîn’in fethiyle) ve
اَلْمُعْسَرَةُ [el-muʹseret] (sîn’in zammıyla) ve
اَلْعُسْرَى [el-ʹusrâ] (بُشْرَى [buşrâ] vezninde) İsmlerdir, güçlük ve çaparızlık maʹnâsınadır; yukâlu: فِي هَذَا الْأَمْرِ عُسْرَةٌ وَمَعْسَرَةٌ وَمُعْسَرَةٌ وَعُسْرَى خِلاَفُ الْمَيْسَرَةِ Ve fakr ve ihtiyâc hâletine ıtlâk olunur, niteki mukâbilleri servet ve gınâya ıtlâk olunur. Şârih der ki يُسْرَى [yusrâ] أَيْسَرُ [eyser]in dahi mü΄ennesi olur.
اَلْعُسْرَى [el-ʹusrâ] (ʹayn’ın zammı ve sîn’in sükûnu ve elifin kasrıyla) يُسْرَى [yusrâ]nın mukâbilidir ki يُسْرَى [yusrâ] âsânlık demek olur, egerçi erbâb-ı tefsîrin kelâmından tebâdür eden budur ki يُسْرَى [yusrâ] âsân maʹnâsına ola, nitekim ﴿فَسَنُيَسِّرُهُ لِلْيُسْرٰى﴾ (الليل 7) tefsîrinde işâret etmişlerdir.
Sitemizde detaylı hızlı ve kolay arama ekranı