اَلْفَقْرَةُ [el-faḵret] (تَمْرَةٌ [temret] vezninde) Bir nebât adıdır. Cemʹ-i cinsi فَقْرٌ [faḵr] gelir.
اَلْفُقْرَةُ [el-fuḵret] (fâ’nın zammıyla) Yakınlık maʹnâsınadır; yukâlu: هُوَ مِنِّي فُقْرَةً أَيْ قُرْبًا Ve çukura denir; yukâlu: فَقَرَ فُقْرَةً أَيْ حُفْرَةً Ve gömleğin baş geçecek yerine denir.
اَلْفِقْرَةُ [el-fiḵret] (fâ’nın kesriyle) ve
اَلْفَقَرَةُ [el-feḵaret] (fetehâtla) ve
اَلْفَقَارَةُ [el-feḵâret] (سَحَابَةٌ [seḩâbet] vezninde ki) Zikr olundu, arkada yağrınıdan kuyruk sokumuna kadar istif istif dizili olan omurga kemiklerinin her birine denir. فِقْرَةٌ [fiḵret]in cemʹi ki kesriyledir, فِقَرٌ [fiḵar] gelip عِنَبٌ [ʹineb] vezninde ve فِقْرَانٌ [fiḵrân] gelir kesr ile yâhûd kesreteynle ve cemʹü’l-cemʹi فِقَرَاتٌ [fiḵarât] gelir, عِنَبَاتٌ [ʹinebât] vezninde. Ve فَقَارَةٌ [feḵâret]in cemʹi فَقَارٌ [feḵâr]dır, سَحَابَةٌ [seḩâbet] ve سَحَابٌ [seḩâb] gibi.
اَلْفِقْرَةُ [el-fiḵret] (fâ’nın kesri ve ḵâf’ın sükûnuyla) فَقَارَةٌ [faḵâret] maʹnâsınadır ki arka kemiği demek olur.
Sitemizde detaylı hızlı ve kolay arama ekranı