اَلْعَطَّافُ [el-ʹaṯṯâf] (شَدَّادٌ [şeddâd] vezninde) Şol kumar okuna denir ki sâ΄ir oklar üzere mâ΄il olmakla fâ΄iz olarak hurûc eyleye. Ve garâmeti ve ganîmeti olmayan kumar okuna denir. ʹAlâ-kavlin şol oka denir ki okların meʹhazından bir tarafa meyl eylemekle münferid kalmış ola. Ve
عَطَّافٌ [ʹAṯṯâf] ʹAmr b. Maʹdîkereb’in feresi ismidir. Ve ʹAṯṯâf b. Ḣâlid muhaddistir.
اَلْعِطَافُ [el-ʹiṯâf] (كِتَابٌ [kitâb] vezninde) ve
اَلْمِعْطَفُ [el-miʹṯaf] (مِنْبَرٌ [minber] vezninde) Belden yukarı tutundukları ihrâm ve şâla denir, رِدَاءٌ [ridâ΄] maʹnâsına. Ve kılıca denir. Ve
عِطَافٌ [ʹiṯâf] Bir kelb ismidir. Ve fûtaya ve izâr ve peştemâla denir.
اَلْعِطَافُ [el-ʹiṯâf] (ʹayn’ın kesriyle) Kezâlik ridâ maʹnâsınadır. Ve
عِطَافٌ [ʹiṯâf] Kılıca dahi derler, ridâya teşbîhen.
Sitemizde detaylı hızlı ve kolay arama ekranı