Kamus-ı Muhit - النسل maddesi

اَلنَّسَلُ [en-nesel] (fethateynle) Gök incirden çıkan süte denir.

اَلنَّسْلُ [en-nesl] (nûn’un fethi ve sîn’in sükûnuyla) Halk ve mahlûka denir. Ve veled ve zürriyyete denir ki döl döş taʹbîr olunur; cemʹi أَنْسَالٌ [ensâl]dir; yukâlu: لَهُ نَسْلٌ كَثِيرٌ أَيْ وَلَدٌ Ve

نَسْلٌ [nesl] Masdar olur, veled hâsıl kılmak maʹnâsınadır; yukâlu: نَسَلَ الْوَلَدَ نَسْلًا مِنَ الْبَابِ الْأَوَّلِ إِذَا وَلَدَهُ Ve hayvânın tüylerini koparıp dökmek maʹnâsınadır; tekûlu: نَسَلْتُ صُوفَهُ إِذَا نَتَفْتَهُ وَأَسْقَطْتَهُ Ve

نَسْلٌ [nesl] ve

نَسَلٌ [nesel] (fethateynle) ve

نَسْلَانٌ [neslân] Sürʹatle yürümek maʹnâsınadır; yukâlu: نَسَلَ الْمَاشِي نَسْلًا وَنَسَلًا وَنَسْلَانًا مِنَ الْبَابِ الثَّانِي وَالْأَوَّلِ إِذَا أَسْرَعَ

Vankulu Lugatı - النسل maddesi

اَلنَّسَلُ [en-nesel] (fethateynle) Şol süttür ki memeden kendi çıka, sıkmaksızın.

اَلنَّسْلُ [en-nesl] (nûn’un fethi ve sîn’in sükûnuyla) Veled maʹnâsınadır. Ve

نَسْلٌ [nesl] Masdar maʹnâsına dahi gelir; yukâlu: نَسَلَتِ النَّاقَةُ بِوَلَدٍ كَثِيرٍ تَنْسُلُ مِنَ الْبَابِ الْأَوَّلِ Ve

نَسْلٌ [nesl] Kuş yeleğin bırakmağa ve kuşun yeleği düşmeğe dahi derler; yukâlu: نَسَلَ الطَّائِرُ رِيشَهُ يَنْسُلُ وَيَنْسِلُ مِنَ الْبَابِ الْأَوَّلِ وَالثَّانِي وَنَسَلَ رِيشُ الطَّائِرِ يَتَعَدَّى وَلَا يَتَعَدَّى Ve

نَسْلٌ [nesl] Bir kimseden giysisi düşmeğe dahi derler; yukâlu: نَسَلَ الثَّوْبُ عَنِ الرَّجُلِ سَقَطَ Ve

نَسْلٌ [nesl] Sürʹat etmeğe dahi derler; yukâlu: نَسَلَ فِي الْعَدْوِ يَنْسِلُ نَسْلًا إِذَا أَسْرَعَ Kâlallâhu taʹâlâ ﴿إِلَى رَبِّهِمْ يَنْسِلُونَ﴾ (يس، 51)