اَلْإِسْتِمْهَاءُ [el-istimhâ΄] Cenkte düşmanın taburunu ḣarḵ ve hezm eylemek maʹnâsınadır; ve minhu: هُمْ يَسْتَمْهُونَ فِي الْبُهَمِ أَيْ يُخَرِّقُونَ الصُّفُوفَ فِي الْحُرُوبِ فَلَا يُقْدَرُ عَلَيْهِمْ Şârih der ki mü΄ellif bu mâddede pek îcâz eylemiştir. Lisânu’l-ʹArab’da zikr olunduğu üzere إِسْتِمْهَاءٌ [istimhâ΄] at kısmının ʹuhde-i iktidârında olan seğirtmeği istihrâc eylemek maʹnâsınadır; yukâlu: إِسْتَمْهَى الْفَرَسُ إِذَا اسْتَخَرَج مَا عِنْدَهُ مِنَ الْجَرْيِ Pes mü΄ellifin iktifâ΄ eylediği kelâm ki ʹAdiyy b. er-Riḵâʹ nâm şâʹirin işbu: “هُمْ يَسْتَجِيبُونَ لِلدَّاعِي وَيُكْرِهُهُمْ || حَدُّ الْخَمِيسِ وَيَسْتَمْهُونَ فِي الْبُهَمِ” beytinde muktasardır, yaʹnî müşârünileyh olan cemâʹat be-gâyet bahâdır ve dil-âver olmalarıyla cenklerde düşmanın taburlarını hark ve hezm edip ve kimse onların ahz ve katllerine kâdir olmazlar. Pes maʹnâ-yı mezbûrlardan me΄hûzlardır. Ve بُهَمٌ [buhem] bâ’nın zammıyla ʹaskere denir.
Sitemizde detaylı hızlı ve kolay arama ekranı