اَلْأَعْجَمُ [el-aʹcem] (أَسْلَمُ [eslem] vezninde) ʹArabdan olmayan kimseye denir; müfred ve cemʹi berâberdir; yukâlu: رَجُلٌ وَقَوْمٌ أَعْجَمُ أَيْ لَيْسَ بِعَرَبِيٍّ Ve kelâmı fesâhat ve beyân üzere edâya muktedir olmayan adama denir, أَعْجَمِيٌّ [aʹcemiyy] dahi denir ki mübâlagaten nefsine mensûbdur; yukâlu: رَجُلٌ أَعْجَمُ وَأَعْجَمِيٌّ إِذَا كَانَ لَا يُفْصِحُ الْكَلَامَ Ve dilsize ıtlâk olunur; yukâlu: هُوَ أَعْجَمُ أَيْ أَخْرَسُ Ve Ziyâd nâm şâʹirin lakabıdır. Ve şol dalgaya denir ki pârelenmeyip bütün olmakla suyu serpilip saçılmaya ve gürültüsü ve faşırtısı işitilmeye ona bahrî lisânında ulu kum taʹbîr olunur olunur; yukâlu: مَوْجٌ أَعْجَمُ إِذَا كَانَ لَا يَتَنَفَّسُ فَلَا يَنْضَحُ مَاءً وَلَا يُسْمَعُ لَهُ صَوْتٌ
اَلْأَعْجَمُ [el-aʹcem] (hemzenin ve cîm’in fethiyle) Her nutka ve tekellüme kâdir olmayana ıtlâk olunur.
Sitemizde detaylı hızlı ve kolay arama ekranı