اَلْبَرْنُوفُ [el-bernûf] (صَعْفُوقٌ [ṡaʹfûḵ] vezninde) Bir nebât-ı maʹrûf ismidir, diyâr-ı Mıṡriyye’de kesîr olur; şâbânek muʹarrebi şâbânec ile müteʹâreftir, nîlenc mahlûlüyle âmîhte olan ʹusâresini mefâsıl-ı sıbyâna tılâ sarʹ ve havâle ʹârızasına nâfiʹ, kezâlik leben-i mâderiyle içirmek hâdise-i mezkûreyi dâfiʹdir. Ve yaprağını istişmâm zükâma ve südde-i dimâga müfîd ve cevf-i sıbyânda riyâh-ı bârideden mütekevvin sancıları ve ağızlarından akan salyaları katʹ eylemekte be-gâyet ʹacîbü’l-eserdir.
Sitemizde detaylı hızlı ve kolay arama ekranı