اَلتَّقَهُّلُ [et-teḵahhul] (تَفَعُّلٌ [tefaʹʹul] vezninde) Bu dahi gövdenin derisi kupkuru kalmak maʹnâsınadır; ʹalâ-kavlin bu kesret-i ʹibâdet ve vefret-i mücâhedetten nâşî beden nahîf olup kupkuru kalmağa mahsûstur; yukâlu: تَقَهَّلَ جِلْدُهُ إِذَا يَبِسَ أَوْ هُوَ خَاصٌّ بِالْيُبْسِ مِنْ كَثْرَةِ الْعِبَادَةِ Ve bir adam tanzîf-i bedene mübâlât eylemeyip çirkîn ve vesah-nâk olmak maʹnâsınadır; yukâlu: تَقَهَّلَ الرَّجُلُ إِذَا لَمْ يَتَعَهَّدْ جِسْمَهُ بِالْمَاءِ وَلَمْ يُنَظِّفْهُ Ve yapça yapça yürümek maʹnâsınadır; yukâlu: تَقَهَّلَ الرَّجُلُ إِذَا مَشَى مَشْيًا ضَعِيفًا Ve ses âheste ve zaʹîf olmak maʹnâsınadır; yukâlu: تَقَهَّلَ صَوْتُهُ إِذَا ضَعُفَ وَلَانَ
اَلتَّقَهُّلُ [et-teḵahhul] (fethateynle ve hâ’nın zammı ve teşdîdiyle) Bir kimse fakîrü’l-hâl şeklinde olup hâli yatlı olmak, Kisâ΄î rivâyeti üzere. Ve li-ihtiyâc olan şikayete dahi تَقَهُّلٌ [teḵahhul] derler.
Sitemizde detaylı hızlı ve kolay arama ekranı