اَلْجَبَانَةُ [el-cebânet] (سَلَامَةٌ [selâmet] vezninde) ve
اَلْجُبْنُ [el-cubn] (cîm’in zammıyla) ve
اَلْجُبُنُ [el-cubun] (zammeteynle) Bir adam korkak ve bî-zehre olmak maʹnâsınadır; yukâlu: جَبُنَ الرَّجُلُ جَبَانَةً وَجُبْنًا وَجُبُنًا مِنَ الْبَابِ الْخَامِسِ إِذَا كَانَ جَبَانًا
اَلْجَبَّانُ [el-cebbân] (شَدَّادٌ [şeddâd] vezninde) ve
اَلْجَبَّانَةُ [el-cebbânet] (شَدَّادَةٌ [şeddâdet] vezninde) Makbereye denir. Ve sahrâya denir. Ve toprağı soy münbit arza, ʹalâ-kavlin yüksekçe düz ve hemvâr yere denir. Mütercim der ki işbu جَبَّانَةٌ [cebbânet] kelimesinde tâ΄ vahdetiyyedir. İmâm Ḣalîl ʹindinde katʹ maʹnâsına olan جَبٌّ [cebb] ve جُبُوبٌ [cubûb] mâddesinden me΄hûz فَعْلَانُ [faʹlân] veznindedir, sahrâya ve beyâbâna mevzûʹdur, hâliyyet ve mahalliyyet ʹalâkasıyla makbereye de ıtlâk olunur, hâlen sahrâda olan namâzgâh-ı ʹîd ve mevtâya da ıtlâkı bu mülâbese iledir. Ve sâ΄irlerinin ʹindinde işbu “ج،ب،ن” mâddesinden فَعَّالٌ [faʹʹâl] veznindedir ki niseb üzeredir.
اَلْجَبَّانَةُ [el-cebbânet] (vezn-i mezbûr üzere) Zikr olun maʹnâyadır.
Sitemizde detaylı hızlı ve kolay arama ekranı