اَلْجِرَانُ [el-cirân] (كِتَابٌ [kitâb] vezninde) Devenin boynunun önünde boğazlanacak yerinden boğazı çukuruna kadar yere denir; cemʹi جُرُنٌ [curun]dur, كُتُبٌ [kutub] vezninde. Ve
جِرَانُالْعَوْدِ [Cirânu’l-ʹAvd] [ʹayn’ın fethiyle] Nemir kabîlesinden bir şâʹirin lakabıdır, ismi ʹÂmir b. Ḩârišamp;’tir. Cevherî ismini Mustevrid olmak üzere resm eylemekle galat eyledi. Ve bâʹis-i telkîbi taht-ı nikâhında olan iki hatununa işbu: “خُذَا حَذَرًا يَا جَارَتَيَّ فَإِنَّنِي || رَأَيْتُ جِرَانَ الْعَوْدِ قَدْ كَادَ يَصْلَحُ” beytini inşâd eylediğidir, yaʹnî mezbûr ʹavd dediği yaşlı koca devenin boğazı derisinden kamçı ittihâz eylemişti, nisvânlarını darb ve te΄dîb için. Ve beyt-i merkûmun mefhûmu zevcelerini tehdîdi hâvîdir.
اَلْجِرَانُ [el-cirân] (cîm’in kesri ve râ’nın tahfîfiyle) Devenin boynunun önünde boğazlanacak yerinden göğsüne varınca olan yere derler. Ve sâhib-i Terceme-i Muḣtâr bi’l-kesri ve’t-teşdîdi demiştir;Ḵâmûs’ta olana ve gayrıya muhâliftir.
Sitemizde detaylı hızlı ve kolay arama ekranı