اَلْحَبَرْكَى [el-ḩaberkâ] (fethateynle ve kasr ile) İsm-i cemʹdir, قَوْمٌ هَلْكَى maʹnâsınadır ki helâk olan tâ΄ife ve cemâʹatten ʹibârettir. Ve müfred olur, kene dedikleri böceğe denir, قُرَادٌ [ḵurâd] maʹnâsına; mü΄ennesi حَبَرْكَاةٌ [ḩaberkât]tır. Ve kat kat sık ve kalın sehâba denir. Ve birbiri üzere yığılmış kum yığınına denir. Ve yoğun boyunlu adama denir; yukâlu: رَجُلٌ حَبَرْكَى أَيِ الْغَلِيظُ الرَّقَبَةِ Ve şol ayakları fersiz ve zaʹîf adama denir ki ayaklarının fersizliğinden mukʹad gibi hareket eder ola; yukâlu: رَجُلٌ حَبَرْكَى أَيِ الضَّعِيفُ الرِّجْلَيْنِ كَأَنَّهُ مُقْعَدٌ لِضَعْفِهِمَا Ve belinden yukarısı uzun ve ayakları kısa insân ve hayvâna denir; yukâlu: هُوَ حَبَرْكَى أَيِ الطَّوِيلُ الظَّهْرِ الْقَصِيرُ الرِّجْلَيْنِ Ve bu حَبَرْكَى [ḩaberkâ] lafzının elifi te΄nîs içindir, yaʹnî gayr-i munsarıftır ve baʹzen tenvîn ilhâk olunur, insirâfla.
اَلْحَبَرْكَى [el-ḩaberkâ] (fethateynle ve râ’nın sükûnu ve elifin kasrıyla) Kene dedikeri nesne ki ekseriyyâ hayvânâtta olur, قِرَادٌ [ḵirâd] maʹnâsına.
Sitemizde detaylı hızlı ve kolay arama ekranı