اَلْحَبَائِكُ [el-ḩabâ΄ik] (ḩâ’nın fethi ve yâ’nın kesriyle) حَبِيكَةٌ [ḩabîket]in cemʹi, kumun içinde olan yollar maʹnâsına. Ve Bârî taʹâlânın ﴿وَالسَّمَاءِ ذَاتِ الْحُبُكِ﴾ (الذاريات 7) dediği kavlinde حُبُكٌ [ḩubuk]tan murâd yıldızların seyr ettiği yollardır, tarâ΄ik-i nücûm maʹnâsına. Ve Ferrâ eyitti: حُبُكٌ [ḩubuk] her nesnenin şikenidir şol kumda olan şiken gibi ki ona mülâyim olan yel dokundukta mevc mevc olur. Ve şol duran suda olan şiken gibi ki ona rüzgâr dokundukta mütemevvic olur. Ve demir zihte olan yollar gibi. Ve kıvırcık saçta olan şikene dahi حُبُكٌ [ḩubuk] derler. Ve fî hadîsi’d-deccâl: “إِنَّ شَعْرَهُ حُبُكٌ”
Sitemizde detaylı hızlı ve kolay arama ekranı