اَلْحَيْزُومُ [el-ḩayzûm] (قَيْصُومٌ [ḵayṡûm] vezninde) حَزِيمٌ [ḩazîm] maʹnâsınadır. Ve bedende arka ile karnın çepçevre dâ΄iresine denir ki göğüsten aşağı ve kasıklardan yukarı dâ΄iresidir, ʹalâ-kavlin yürek tarafında olan eyegü ile göğüs tarafından hulkûmu dâ΄ir olan yere denir ki göğüs kavuşturacak yer olur. Ve galîz yâhûd tümsek arza denir. Ve Cibrîl ʹaleyhi’s-selâm hazretlerinin feresleri ismidir. Şârih der ki ona فَرَسُ الْحَيْوَاةِ dahi ıtlâk olunur, Hazret-i Mûsâ’yı bahrden geçirmeye binip gelmişti. Sâmirî onun ayağı türâbından ahz ve ʹicl sûretine tarh eylemişti. Kezâlik Bedr gazâsında dahi o ata süvâr olmuştu.
اَلْحَيْزُومُ [el-ḩayzûm] (ḩâ’nın fethi ve yâ’nın sükûnu ve zâ’nın zammı ve meddiyle) Göğüs örtüsü ve kolan eriştiği yer.
Sitemizde detaylı hızlı ve kolay arama ekranı