Kamus-ı Muhit - الخصية maddesi

اَلْخُصْيُ [el-ḣuṡy] ve

اَلْخُصْيَةُ [el-ḣuṡyet] (ḣâ’ların zammı ve kesri ve ṡâd’ların sükûnuyla) Aʹzâ-i tenâsüldendir ki hâye ve taşak taʹbîr olunur; tesniyelerinde خُصْيَانِ [ḣuṡyân] ve خُصْيَتَانِ [ḣuṡyetân] denir, cemʹi خُصًى [ḣuṡâ] gelir, مُدْيَةٌ [mudyet] ve مُدًى [mudâ] gibi.

اَلْخَصُّ [el-ḣaṡṡ] (ḣâ’nın fethi ve ṡâd’ın teşdîdiyle) ve

اَلْخُصُوصُ [el-ḣuṡûṡ] (قُعُودٌ [ḵuʹûd] vezninde) ve

اَلْخُصُوصِيَّةُ [el-ḣuṡûṡiyyet] (ḣâ’nın zammı ve fethiyle) ve

اَلْخِصِّيصَى [el-ḣiṡṡîṡâ] (خِلِّيفَى [ḣillîfâ] vezninde ve medd ile) ve

اَلْخِصِّيَّةُ [el-ḣiṡṡiyyet] (ḣâ’nın kesriyle) ve

اَلتَّخِصَّةُ [et-teḣiṡṡat] (تَحِلَّةٌ [taḩillet] vezninde) Bir kimseyi bir nesne ile tafdîl eylemek maʹnâsınadır ki o kimseyi o nesne ile müşârikinden müteferrid ve mümtâz eylemekten ʹibârettir; yukâlu: خَصَّ فُلاَنًا بِالشَّيْءِ خَصًّا وَخُصُوصًا وَخُصُوصِيَّةً وَخِصِّيصَى وَخِصِّيَّةً وَتَخِصَّةً مِنَ الْبَابِ الْأَوَّلِ إِذَا فَضَّلَهُ بِهِ وَكَذَا خَصَّهُ بِالْوُدِّ إِذَا فَضَّلَهُ بِهِ دُونَ غَيْرِهِ

Vankulu Lugatı - الخصية maddesi

اَلْخُصْيَةُ [el-ḣuṡyet] (ḣâ’nın zammı ve ṡâd-ı mühmelenin sükûnuyla) Hâye ki aʹzâ-yı tenâsüldendir.

اَلْخِصْيَةُ [el-ḣiṡyet] (ḣâ’nın kesri ve ṡâd’ın sükûnuyla) Bi-maʹnâhâ. Ebû ʹUbeyd eyitti: Benim mesmûʹum olan خُصْيَةٌ [ḣuṡyet]tir zamm-ı ḣâ’yla, kesrle mesmûʹum değildir dedi ve خُصْيَاهُ [ḣuṡyâhu]dur mesmûʹum olan sîga-i tesniye üzere; خُصْيٌ [ḣuṡy] işitilmemiştir sîga-i ifrâd üzere dedi. Ve Ebû ʹAmr eyitti: خُصْيَتَانِ [ḣuṡyetân] şol iki deridir ki yumurtalar onun içinde olur. Ve Umevî eyitti: خُصْيَةٌ [ḣuṡyet] yumurtadır ve خُصْيٌ [ḣuṡy] cemʹi ve خُصْيَانِ [ḣuṡyân] tesniyesidir, ona tâ ilhâk etmezsin nitekim اَلْيَةٌ [elyet] tesniye olundukta أَلْيَانِ [elyân] dersin tâ getirmeksizin, bunlar nâdirlerdir dedi.