اَلْخَمْطَةُ [el-ḣamṯat] (تَمْرَةٌ [temret] vezninde) Üzüm çiçeği makûlesinin râyihasına denir. Ve kokulu bâdeye, ʹalâ-kavlin ekşi olarak râyihalı olanına denir. Ve hoş kokulu süte denir yâhûd نَبِقٌ [nebiḵ] ve تُفَّاحٌ [tuffâḩ] râyihası bağlamış süte denir. Ve tulumun râyihasına denir; bunda fetehâtla lügattir. Ve hoş kokulu topraklı arza denir; فَرِحَةٌ [feriḩat] vezninde dahi lügattir; yukâlu: أَرْضٌ خَمْطَةٌ وَخَمِطَةٌ أَيْ طَيِّبَةُ الرِّيحِ
اَلْخَمْطَةُ [el-ḣamṯat] (ḣâ’nın fethi ve mîm’in sükûnuyla) Şol hamrdır ki erişmeğe karîb olmağın elma râyihasın bağlamış ola ve henüz erişmemiş ola. Ve baʹzılar eyitti: خَمْطٌ [ḣamṯ] ekşi olan hamrdır. Ve
خَمْطٌ [ḣamṯ] Koyunu derisin çıkardıktan sonra biryân etmeğe dahi derler; yukâlu: خَمَطْتُ الشَّاةُ أَخْمِطُهَا خَمْطًا مِنَ الْبَابِ الثَّانِي إِذَا نَزَعْتَ جِلْدَهَا وَشَوَّيْتَهَا
Sitemizde detaylı hızlı ve kolay arama ekranı