اَلْخَيْعَلُ [el-ḣayʹal] (صَيْقَلٌ [ṡayḵal] vezninde) Kürke denir ki giyilir, فَرْوٌ [ferv] maʹnâsına, ʹalâ-kavlin yırtmaçlı sevbe denir yâhûd şol nisvân ferâcesine denir ki bir şıkkı dikilip şıkk-ı âheri dikilmeyip öylece gömlek gibi arkaya alıp giyerler yâhûd yensiz ʹArab gömleğine denir.
اَلْخَيْعَلُ [el-ḣayʹal] (ḣâ’nın ve ʹayn-ı mühmelenin fethi ve yâ’nın mâ-beynde sükûnuyla) Şol gömlektir ki onun yenleri yoktur; yukâlu: قَمِيصٌ خَيْعَلٌ أَيْ لَا كُمَّيْ لَهُ Ve kelime-i لَا كُمَّيْ لَهُ den nûn-ı tesniye düşmüştür izâfet ecli için, zîrâ lâm zâ΄idedir. Ve bu mislli yerde harf-i zâ΄ide iʹtibâr olunmaz,nitekim لَا عَبْدَيْ لَكَ derler لَا عَبْدَيْكَ mahallinde lâkin nûn’un hazfi câ΄iz değildir, illâ lâm ile sâ΄ir hurûf-ı cârre ile hazf olunmaz, sâ΄iri maʹnâ-yı izâfeti ifâde etmediği için.
Sitemizde detaylı hızlı ve kolay arama ekranı