اَلدُّبَيْلَةُ [ed-dubeylet] (جُهَيْنَةُ [cuheynet] vezninde) Dâhiyeye denir. Mütercim der ki tasgîri tekbîr içindir, gûyâ ki cemîʹ-i devâhî kendide münhasır dâhiye-i münferide demektir yâhûd tasgîr yine tefe΄΄ül kasdına mebnîdir. Ve
دُبَيْلَةٌ [dubeylet] Bir maraz ve ʹillet adıdır ki cevf-i insânda ʹârız olur ve bu sıracaya karîb bir çıbandır. Asl bir şiştir ki içinde mâdde münsabb olacak yeri olur. Ve üç türlü olur: biri şahmîdir ki içi don yağı gibidir ve biri ʹaselîdir ki içinde bal gibi nesne olur ve biri kilsîdir ki içinde kireç gibi şey΄ olur. Ve baʹzından kıl ve taş gibi ve ağaç pâresi ve kemik gibi nesneler çıkar, nâs buna kemik sıracası taʹbîr ederler.
اَلدُّبَيْلَةُ [ed-dubeylet] (dâl’ın zammı ve bâ’nın fethi ve yâ’nın sükûnuyla) Dâhiye maʹnâsınadır; tasgîr teksîr içindir; yukâlu: دَبَلَتْهُمُ الدُّبَيْلَةُ أَيْ أَصَابَتْهُمُ الدَّاهِيَةُ Ve bu Ebû ʹUbeyd rivâyeti üzeredir.
Sitemizde detaylı hızlı ve kolay arama ekranı