اَلدَّجْوُ [ed-decv] (dâl’ın fethi ve cîm’in sükûnuyla) ve
اَلدُّجُوُّ [ed-ducuvv] (عُلُوٌّ [ʹuluvv] vezninde) Karanu olmak maʹnâsınadır; yukâlu: دَجَا اللَّيْلُ دَجْوًا وَدُجُوًّا إِذَا أَظْلَمَ Ve keçinin tüyleri ditilip açılmamak üzere birbirine işleyip kat kat keçelenmek maʹnâsına müstaʹmeldir; yukâlu: دَجَا شَعْرُ الْمَاعِزِ إِذَا أَلْبَسَ بَعْضُهُ بَعْضًا وَلَمْ يَنْتَفِشْ Ve cimâʹ eylemek maʹnâsına müstaʹmeldir; yukâlu: دَجَا فُلَانٌ إِذَا جَامَعَ Ve libâs dar ve kısa olmayıp bol ve uzun ve vâfî olmak maʹnâsına müstaʹmeldir, gûyâ ki bütün bedeni kaplamakla zulmet gibi setr eylemiş olur; yukâlu: دَجَا الثَّوْبُ إِذَا سَبَغَ
اَلدُّجُوُّ [ed-ducuvv] (zammeteynle ve vâv’ın teşdîdiyle) Karanu olmak; yukâlu: دَجَا اللَّيْلُ يَدْجُو دُجُوًّا Ve Aṡmaʹî eyitti: دَجَا اللَّيْلُ dedikleri أَلْبَسَ كُلَّ شَيْءٍ maʹnâsınadır, zulmetten değildir, nitekim دَجَى الْإِسْلَامُ dedikleri قَوِيَ وَأَلْبَسَ كُلَّ شَيْءٍ maʹnâsınadır dedi. Ve إِلْبَاسٌ [ilbâs] örtmeğe derler.
Sitemizde detaylı hızlı ve kolay arama ekranı