اَلدَّرَجَاتُ [ed-derecât] (fetehâtla) Pâye ve mertebelerden tabakâta ıtlâk olunur ki nerdübân kademeleri gibi baʹzı baʹzından bülend olur. Mü΄ellifin Baṡâ΄ir’de beyânına göre دَرَجَاتٌ [derecât] دَرَجَةٌ [derecet]in cemʹidir fetehâtla, nerdübân pâyesine denir, baʹdehu menzile-i refîʹa ve mertebe-i ʹâliyede istiʹmâl olunmuştur, niteki felekte derecât-ı nücûm dahi ona teşbîh olunmuştur. Ehl-i hey΄et medâr-ı nücûmu üç yüz altmış kısma taksîm ve her birine دَرَجَةٌ [derecet] ıtlâk eylediler ve onları dahi on iki burca tevzîʹ eylediler ki her burc otuzar derece ve her derece altmışar dakîka ve her dakîka altmışar sâniye ve her sâniye altmışar sâliseden ʹibârettir. Hâkezâ ile’l-ʹâşireti. Mütercim der ki derecât-ı mezkûrenin felek-i aʹzamda ki lisân-ı şerʹde عَرْشٌ [ʹarş] ıtlâk olunur, muʹteberdir, niteki ehl-i tahkîk işbu ﴿رَفِيعُ الدَّرَجَاتِ ذُو الْعَرْشِ﴾ kerîmesinde ona işâret olduğunu tasrîh eylediler, zîrâ رَفِيعٌ [refîʹ] hisâbda üç yüz altmıştır.
اَلدَّرَجَاتُ [ed-derecât] (fethateynle) Cemʹi.
Sitemizde detaylı hızlı ve kolay arama ekranı