اَلدِّينَارُ [ed-dînâr] (dâl’ın kesriyle) Maʹrûftur, yaʹnî dirhemin büyük birâderi olan sikkeli altına denir. Ve bu muʹarrebdir ve aslı دِنَّارٌ [dinnâr]dır teşdîd-i nûn’la; nûn’un biri yâ’ya ibdâl olundu fiʹâl vezninde olan masdara mültebis olmamak için, كِذَّابٌ [kižžâb] gibi. Ve nûn’un tesîri “ح،ب،ب” mâddesinde zikr olundu.
اَلدِّينَارُ [ed-dînâr] (dâl’ın kesri ve meddiyle) Altın aslı دِنَّارٌ idi, nûn’un teşdîdiyle, harf-i tazʹîfin biri yâ’ya tebdîl olundu, tâ ki فِعَّالٌ [fiʹʹâl] vezni üzere olan masdara mültebis olmaya; ke-kavlihi taʹâlâ: ﴿وَكَذَّبُوا بِآيَاتِنَا كِذَّابًا﴾ (النبأ 28) İllâ âhirine hâ dâhil ola ki bu defʹa asl üzerine yine cârî olur iltibâstan emîn olduğu için, صِنَّارَةٌ [ṡinnâret] ve دِنَّامَةٌ[dinnâmet] gibi. صِنَّارَةٌ [ṡinnâret] ṡâd-ı mühmele ve râ-i mühmele ile ip eğirdikleri ipin başına derler, re΄s-i migzel maʹnâsına ve دِنَّامَةٌ [dinnâmet] dâl-ı mühmele ile kasîr olan nesne.
Sitemizde detaylı hızlı ve kolay arama ekranı