اَلدِّيلُ [ed-Dîl] (dâl’ın kesriyle) ʹAbdulḵays kabîlesinden bir cemâʹattir, ʹalâ-kavlin onlar kabîle-i mezbûreden Dîl ile musemmâ iki kimsedir ki biri Dîl b. Şenn b. Efṡâ b. ʹAdulḵays ve biri Dîl b. ʹAmr b. Vedîʹa b. Efṡâ b. ʹAbdulḵays’tır. Ve
دِيلٌ [Dîl] Bilâd-ı Fezâre’de bir mevziʹdir. Kezâlik Dîl b. Zeyd ve Dîl b. ʹAmr, Ezd kabîlesindendir. Ve Dîl b. Umeyye, İyâd kabîlesindendir. بَنُو الدِّيلِ [Benu’d-Dîl] kezâlik Benî Bekr b. ʹAbdumenât cemâʹatindir.
اَلدِّيلُ [ed-Dîl] (dâl’ın kesri ve meddiyle) ʹAbdulḵays kabîlesinde bir kimsenin ismidir ki ehl-i ʹUmân onun cemâʹatindendir. Ve عُمَانُ [ʹUmân] mîm’in tahfîfiyle bir şehrin ismidir. Ve Ammâ دُئِلٌ [Du΄il] hemze-i meksûre ile Kinâne’den bir kabîlenin ismidir ki bundan akdem zikr olunmuştur ki Ebu’l-Esved ed-Du΄elî onlara nisbet olur. Hâlet-i nisbette hemze meftûh kılınır, tevâlî-i kesrâttan ihtirâz olunmağın. Bu cümle İbnu’s-Sikkît rivâyetidir.
Sitemizde detaylı hızlı ve kolay arama ekranı