اَلرَّجْرَجَةُ [er-recrecet] (زَلْزَلَةٌ [zelzelet] vezninde) Şiddetle beri öte oynayıp hareket ve ıztırâb eylemek maʹnâsınadır; yukâlu: رَجْرَجَ الشَّيْءُ إِذَا اضْطَرَبَ Lâkin Esâs’ta bu müteʹaddî olmak üzere mersûmdur. Ve
رَجْرَجَةٌ [recrecet] Yorulup fürû-mânde olmak maʹnâsınadır; yukâlu: رَجْرَجَ الرَّجُلُ إِذَا أَعْيَا
اَلرِّجْرِجَةُ [er-ricricet] (râ’ların kesriyle) Havuz dibinde kalan su bakiyyesine denir. Ümmehât-ı sâ΄irede çalkanarak mütekeddir olan su bakiyyesiyle müfesserdir ve muktezâ-yı mâdde dahi böylece olmaktır. Ve
رِجْرِجَةٌ [ricricet] Ceng-gâhta olan cemâʹat-i kesîreye yaʹnî çok ʹaskere ıtlâk olunur, deryâ gibi çalkandıkları hasebiyle. Sâ΄ir ümmehâtta bu رِجْرَاجَةٌ [ricrâcet] ʹunvânında müsebbettir. Ve
رِجْرِجَةٌ [ricricet] Tükürüğe ıtlâk olunur, buzâk maʹnâsına. Ve ʹakl ve idrâktan bî-behre olan kimseye ıtlâk olunur, beyhûde hareket ve ıztırâbına mebnî; yukâlu: هُوَ رِجْرِجَةٌ أَيْ لاَ عَقْلَ لَهُ
اَلرَّجْرَجَةُ [er-recrecet] (râ’ların fethi ve cîm’in sükûnuyla دَحْرَجَة [daḩrecet] vezni üzere) Iztırâb etmek, yaʹnî hareket etmek.
اَلرِّجْرِجَةُ [er-ricricet] (râ’ların kesriyle) Havuzda bâki kalan sudur ki bulanık ola. Ve şol tiriddir ki gâyet çerb ola.
Sitemizde detaylı hızlı ve kolay arama ekranı